Muaj më parë në emisionin Fiks Fare mbërriti një shqetësim nga banorët e fshatit Bugjon në Pukë, të cilët ankohen për mungesën e rrugës dhe urës. Urë kjo që do lidhte tre fshatrat e fundit të Fushë Arrëzit, Bugjon, Kokëdodë dhe Aprripë e Gurit. Mungesa e kësaj ure i kishte izoluar banorët e këtyre zonave dhe ju duhet të kalonin shumë peripeci për të kaluar lumin i cili ndante këto fshatra. Duke qenë se situate po vështirësohej dhe pasi nuk panë asnjë reagim nga institucionet dhe pse janë ankuar, qytetarët ndërtuan një urë të vogël prej druri për të kaluar, e cila është shumë e rrezikshme sidomos për fëmijët që e bënin atë rrugë çdo ditë për të shkuar në shkollë. Menjëherë pas transmetimit të këtij rasti, Filip Gjoka një ish banorë i fshatit Bugjon, premtoi se do të investonte për ndërtimin e një ure që lidhë këto fshatra me njëra- tjetrën. Pas gjashtë muajsh ura u bë realitet dhe sot banorët i shpëtuan izolimit që kishin me pjesën tjetër të zonës.