Gazetarët e Fiksit kërkojnë përgjigje edhe në QSUT . Në përgjigjen e kthyer thuhet se problemi është i njësisë paraspitalore që nuk kanë çuar listat dhe për këtë QSUT i ka kërkuar këto të dhëna në Urgjencën Kombëtare. Urgjenca ja ka nisur QSUT dhe po ashtu QSUT ja ka nisur sërish për përpunim urgjencës paraspitalore.Gazetarët e Fiksit kërkojnë përgjigje nga shefi i urgjencës paraspitalore, Ali Xhixha në telefon.Ai tregon se është një proçedurë e gjatë dhe se më parë nuk është kërkuar diçka e tillë. Megjithatë shefi i urgjencës thotë se i ka kthyer përgjigje QSUT-ës dhe se të dhënat janë ato që ka nisur Urgjenca Kombëtare. Pas kësaj përgjigje nga shefi i urgjencës gazetarët pyesin sërish QSUT.Në përgjigjen e saj QSUT thotë se z.Xhixha nuk ka dërguar asnjë listë dhe se pa u dërguar lista e të dhënave personeli nuk do e marrë shpërblimin. Fiksi ka kërkuar përgjigje edhe në Ministrinë e Shëndetësisë, por akoma ky institucion nuk ka reaguar.