Ish prokuror Tom Dedaj, i shkarkuar nga KLP, i cili , siç thotë edhe vetë, është dënuar nga Gjykata e Shkallës së Parë për Krimet e Rënda për korrupsion pasiv dhe Gjykata e Apelit për Krimet e Rënda për moskallëzim krimi, kërkon nga Fiksi që të pastrojë imazhin e tij. Katër vjet më parë, Fiks Fare denoncoi veprimet abuzive të këtij prokurori, për të cilin qytetari nga Dibra, Faik Zeqaj deklaroi se i kishte dhënë 200 mijë lekë (të vjetra) për të zhbllokuar makinën e kapur nga policia. Kush ju ka çuar juve në Gjykatë? Kolegët e tu, prokurorët e Krimeve të Rënda. Ju i konsideroni ata të paaftë, por, besojmë se ata janë më të zotë se ti. Mos valle kemi ndërhyrë ne për akuzën e tyre? Jo, mor djalë, ne as denojmë, as fusim në burg njeri, thjeshtë denoncojmë me fakte, asnjëherë me thashetheme. Po dy gjykatat: Shkalla e Parë dhe Apeli i Krimeve të Rënda kaq të paaftë i nxjerr ti, që nuk analizuan faktet dhe të paskan dënuar kot? Po KLP-n ne e detyruam të të largojë nga prokuroria? Ata ekspertuan videot dhe dolën vetë në përfundimin dhe të akuzuan për korrupsion. Ne të Fiks Fare na bën të dyshojmë se ç'prokuror paske qenë, kur u kundërvihesh të gjithëve, dhe kërkon reston nga TCH. Fiks Fare po ta ploteson dëshirën, duke ritransmetuar videot, pa ndryshuar asgjë...