Emisioni Fiks- Fare risolli mbrëmjen e sotme historinë e Laurës dhe Mateos , motër e vëlla nga Korça të cilët ishin të pastrehë. Prej 10-vitesh dy të rinjtë kishin humbur nënën e tyre, ndërkohë babai i kishte nxjerrë nga shtëpia pasi ishte martuar sërish. Pas thirrjes që u bë në emisionin investigativ pati një reagim të madh për dy të rinjtë, dhjetra persona telefonuan për ti ndihmuar ata financiarisht, por jo vetëm aq, vetëm 5 ditë më vonë ata u sistemuan në një apartament në Korçë falë ndihmës që u dha Qendra "Vatra". Mateo falenderoi emisionin Fiks Fare për ndihmën. "Jam shumë i lumtur se do festoj me motrën" tha Mateo. Ndërkohë biznesmeni Gjergj Luca, premtoi vende punë për dy të rinjtë. "Do jenë të dy të punësuar, madje do marrin dhe shportën e Vitit të Ri si punonjës të Rozafës " tha Luca