Gazetarët e Fiksit pasi vërtetuan se punonjësit nuk e respektojnë orarin zyrtarë të punës në cirk dhe oraganizojnë shfaqe private në orarin zyrtar, u interesuan pranë këtij institucioni. Zv drejtuesi artistik, Xhejms Kodra u shpreh për Fiksin se orari zyrtarë i punonjësve të cirkut është 09:00 me 13:00. Por ai u justifikua se punonjësit aktualisht e kanë ngushtuar këtë orar me dy orë, si pasojë e mungesës së kushteve në cirk. " Për momentin nuk ka arenë, nuk kemi tualete e nuk ka ujë, gjithashtu jemi në mungesë edhe të dhomave të ndërrimit" u shpreh zv drejtori. Momentalisht artistët e cirkut kanë orarin 10:00 me 12:00, por që sipas z. Kodra nuk është fiks, sepse artistët nuk kanë një orar stabël. "Cirku është i hapur nga ora 9:00 deri në 21:00. Artistët vijnë dhe punojnë kur ata kanë për të punuar. Orari është 8 orë, por duke qenë se cirku ka punë gjimnastikore do ftoj këdo që të bëjë një sforcim aty brenda që t'i shtrëngohet fshikëza dhe veshka dhe të qëndrojë 4 orë pa shkuar në tualet" tha z. Kodra. Pyetjes së gazetares se a lejohen artistët e cirkut të punojnë diku tjetër brenda orarit zyrtarë të punës zv drejtori iu shmang duke thënë se nuk është i autorizuar për t'u përgjigjur. Të njëjtën përgjigje dha edhe në lidhje me organizimin e shfaqeve private që bëjnë punonjësit e cirkut brenda orarit zyrtar të punës. "Përsa i përket shfaqeve private që mund të organizojë trupa artistike nuk kam dijeni se kush i organizon dhe nuk jam i autorizuar të jap përgjigje. Nëse edhe mua më jepet mundësia për të fituar disa para më shumë në një ambient tjetër, nuk do nguroja jashte obligimeve të Cirkut Kombëtar. Paga 50 mijë lekë nuk i del një artisti për asgjë" përfundoi z. Kodra.