Jani Kallanxhi, babai i një vajze të vogël 6 vjeç nga qyteti i Korçes ka kërkuar ndihmën e emisionit Fiks Fare, pasi jetojnë në kushte shumë të vështira ekonomike. Jani thote se kur vajza e tij Ilirjana erdhi ne jete, ishte i detyruar ta linin ne jetimoren e qytetit te Korçes pasi nuk kishin me çfarë ta rrisnin. Mamaja e vajzes së vogël është e diagnostikuar me Skizofreni për të cilën mjekohet, por trajtohet edhe me kemp me shumën 107 mijë lekë të vjetra. Jani tregon se prej shumë kohësh ka qenë në punë si roje i një shkolle, por sipas tij është hequr nga puna pa arsye. Ilirjana në kohën kur ishte në jetimoren e Korçës, “Lulet e Vogla” ka pësuar një temperaturë të lartë duke i shkaktuar humbje te shikimit në syrin e majt. Babai i vajzës thotë se është përpjekur disa herë ta regjistrojë vajzë në kopësht dhe të trajtohet si moshatarët e saj, por nuk ka patur mbështetjen e asnjë institicioni. Gjithashtu ai thotë se mamaja e vajzës herë pas here si pasojë e mosmarrjes së mjekimit në kohën e duhur shfaq shenja depresive ( largohet nga shtëpia natën dhe kryen veprime te turpshme në publik, thote se do kryej vetevrasje.) Jani tregon se është i vetmi qeë duhet te kujdeset për vajzën e vogël dhe mamanë e vajzës. Mjekimi i zonjës Xhensila sipas tij kohët e fundit nuk është më në listën e ilaçeve të rimbursuara dhe i duhet ta marrë me pagesë. Nga pamundësia për ta blerë ka kaluar afati 1 javë pa marrë mjekim. Gjithashtu mjekët e qytetit të Korçës i kanë përgatitur dokumentacionin e nevojshem që 6-vjeçarja të paraqitet në kempin epror në qytetin e Tiranës në mënyrë që të trajtohet me kemp, por nga pamundësia për të lëvizur nga Korça në Tiranë ka kaluar afati i paraqitjes pranë KMCAP Tiranë. Denoncuesi mes lotësh i lutet institucioneve që të vendosin dorën në zemër për t’i pranuar vajzën në kopësht në mënyrë që vetë ai të punojë gjatë asaj kohe, pasi e ka të pamundur ta lënë vajzën e vogël nën kujdesin e mamasë së saj, sepse ajo është e pavetëedijshme dhe për veten e saj.