Emisioni Fiks Fare ju rikthye mbrëmjen e sotme historisë së tre të miturve të cilët jetonin me bashkëjetuesin e së ëmës në stan, në një fshat të Mallakastrës. Emisioni investigativë e ka sjell këtë histori disa ditë më parë kur bashkia Mallakastër e quante bashkëjetuesin si të rresikshëm për tre fëmijët e mitur të zonjës, por pa dhënë më shumë detaje. Kështu në bisedat e para të gazetarëve të Fiksit me Drejtoreshaën e Shërbimit Social të Bashkisë Mallakastër, kjo e fundit tha se Adriatik Kullolli është person i rrezikshëm për tre të miturit. Të cilët ishin fëmijët e bashkëjetueses së tij. Gazetarët e Fiksit u interesuan disa herë për të marrë përgjigje në bashki dhe të gjitha herët ata thonin se fëmijët do largohen, pasi personi dhe situatat që ai ka kaluar janë të rrezikshme. Por asnjëherë nuk u morë një masë. Pas shumë insistimesh bashkia kthen përgjigje ku thotë se nga një vlerësim tjetër bërë kundrejt bashkëjetuesit të zonjës ai nuk klasifikohet më i rrezikshëm , por me rrezik të mesëm.