Këtë të enjte, situata e përmbytjeve në zonën e Nënshkodrës është përkeqësuar edhe më tej. Rreth 300 hektarë tokë janë të përmbytura ndërsa dëmet janë më të mëdha për shkak se në njësinë administrative të Dajçit, në fshatin Shirq, argjinatura është carë dhe tashmë lumi Buna ka vërshuar drejt fshatit duke përmbytur shkolla, shtëpi, tokë bujqësore, qendrën shëndetësore e atë komunitare. Çështja e përmbytjeve, dëmshpërblimet dhe ndihma për banorët përplasi në debate ministrin Niko Peleshi me kryebashkiaken Ademi . Argjinatura u riparua pas disa orëve punime por sipas banorëve, dëmi i shkaktuar nga vërshimi i ujërave është i pallogaritshëm.