Hakmarrja dyshohet se ishte motivi i ngjarjes së rëndë sot në Pejë, ku Ilir Osmani u godit për vdekje qëllimisht me makinë nga 23-vjeçari nga Elbasani Sergio Jonuzi. Osmani, nuk arriti t’i mbijetojë plagëve të rënda. Ngjarja u raportua fillimisht si aksident rrugor, ku një mjet kishte përplasur një këmbësor, por më vonë u zbulua se ishte i qëllimtë. I dyshuari Jonuzi, pas ngjarjes u largua nga vendi i ngjarjes, por Policia arriti ta kapë dhe ta vërë në pranga më vonë. Sipas mediave kosovare, dyshohet se konflikti mes tyre kishte nisur kur Ilir Osmani, sikurse dyshohet, dyshohet, i kishte djegur shtëpinë Sergio Jonzit. Në shenjë hakmarrje, ky i fundit, i ka zënë pritën dhe e ka goditur qëllimisht për vdekje. Trupi i pajetë i viktimës u dërgua për ekspertizë në institutin e mjekёsisё ligjore nё Prishtinë, ndërsa 23-vjeçari, ndaj të cilit rëndon vepra penale “Vrasje e rëndë”, u fut në paraburgim për 48 orë me urdhёr tё Prokurorit tё shtetit.