Emisioni Fiks Fare solli rastin e një pallati në Golem të Kavajes hyrja e të cilit është e zënë. Banorët janë ankuar disa herë në bashki, por nuk kanë marrë përgjigje. Përpara se të shkosh te hyrja e pallatit është vendosur një tra “pronë private” i cili është pengesë për hyrjen në pallat. Madje në trotuarin përpara pallatit janë vendosur rrethime, tenda, çisterna të cilat pengojnë hyrjen e banorëve për në hyrjet e tyre. Fiksi që në korrik kërkoi një përgjigje nga Bashkia Kavajë, kryetari i të cilës Fisnik Qosja , premtoi ndërhyrje të menjëherëshme, por kjo gjë nuk u bë. Pas 4 muajsh Inspektoriati i Mbrojtjes së Territorit në bashki vendosi që të heqi vetëm traun e vendosur në hyrje të pallatit, e gjithë hapësira tjetër e përbashkët ka mbetur e zënë. Në një telefonatë me gazetarët inspektori i INUK, tha se nuk e dinte pse nuk përfundohet ndërhyrja edhe pse ishte konstatuar se gjithçka aty ishte në paligjshmëri.