Në Torum të Polonisë fillon sot kampionati europian për salla të mbyllura për ekipin shqiptar. Në një intervistë për këtë debutim të kuqezinjve tanë, Gjergj Ruli në statusin e presidentit të federatës së Atletikës dhe trajnerit të kampionit Izmir Smajlaj tregon më tepër. 52 shtetet pjesëmarrëse në këtë europian janë të ndara në 10 hotele të cilat ndodhen në një distancë mbi 30 km larg arenës ku do të zhvillohen garat, megjithatë tashmë Izmir Smajlaj është mësuar të garojë në këto kushte dhe për mbrëmjen e sotme e ka një objektiv. Një tjetër sportist premtues i atletikës shqiptare është edhe Franko Burraj i cili provën e tij europiane në garën e 400 m e ka ditën e premte.