Fiks Fare ka denoncuar për të disatën herë abuzimet që bëhen me dietat e Frontex. Punonjësit e Policisë së Shtetit të cilët shoqërojnë efektivë të Frontex të patrullojnë kufirin si atë detar dhe tokësor, paguhen nga Frontex. Sipas një marrëveshje midis Frontex dhe Policisë së Shtetit pagesat bëhen 80% në fillim të shërbimit dhe 20% ne përfundim të tij, por që ndodh e kundërta. Plus këto pagesa bëhen në kundërshtim me ligjin e Policisë së Shtetit , apo edhe për institucionet buxhetore, ku ndolohet çdo pagesë që të bëhet 'nën dorë'. Fiksi e trajtoi fillimisht këtë problematik në 2022 dhe iu rikthye sërish në 2024 ku sërish problem ishin dietat e papaguara dhe bllokimi i fondit ardhur nga Frontex në Thesar. Së fundi shefi financave në Drejtorinë e Kufirit , Shpëtim Ahmetaj sqaroi për Fiksin se ishte ngritur një grup audititmi nga Ministria e Finacave ku ka gjetur shkelje. Kjo ishte bërë dhe shkak për bllokimin e fondit dhe mos pagimin e punonjësve. Por tre ditë pas denoncimit të Fiksit Agjencia e Mbikqyrjes Policore , zhvilloi një aksion duke pezulluar nga puna dhjetra drejtues të Policisë së Shtetit që kishin abuzuar me këto fonde. Ndërkohë që shefat janë kapur në abuzime , policët e thjeshtë mbeten pa dieta.