Autizmi nuk është sëmundje. Kjo është fjalia që Serxhio Pecaku e përsërit disa herë gjatë kësaj bisede dhe ndoshta mesazhi më i rëndësishëm që çdo prind duhet të dëgjojë. Në këtë episod të Grida Duma Podcast, flasim për autizmin, rëndësinë e diagnostikimit të hershëm dhe rolin që luan gjenetika në zbulimin e shkaqeve të çrregullimeve të spektrit autik. I ftuar është Serxhio Pecaku, CEO i C.I.U.F. dhe logoped në klinikën Umano Felice, i cili tregon detaje mbi bashkëpunimin me spitalin prestigjioz Bambino Gesù në Romë, duke sjellë në Shqipëri mundësinë për analiza gjenetike të avancuara që ndihmojnë familjet të marrin përgjigje më të shpejta dhe më të sakta. Gjatë bisedës do të mësoni: • Pse autizmi nuk duhet parë si sëmundje. • Kur duhet të shqetësohen prindërit. • Çfarë tregojnë analizat gjenetike. • Si mund të ndikojë diagnostikimi i hershëm në zhvillimin e fëmijës. • Çfarë ofron bashkëpunimi mes Umano Felice dhe Bambino Gesù.