Pompeo: Do të vazhdojmë t’u ndalojmë hyrjen në SHBA zyrtarëve të korruptuar, edhe shqiptarë
09/12/2019 18:09

Sot, në Ditën Ndërkombëtare Kundër Korrupsionit, Sekretari amerikan i Shtetit Mike Pompeo theksoi se Shtetet e Bashkuara do t’i shtojnë përpjekjet për të luftuar korrupsionin në mbarë botën. Korrupsioni, thotë kryediplomati amerikan, fuqizon dhe mbështet udhëheqësit autokratë, dobëson besimin tek sistemet demokratike dhe krijon mundësi për aktorë të tretë që të shfrytëzojnë vendet partnere të Shteteve të Bashkuara. Sekretari Pompeo njoftoi se gjatë vitit 2019, për shkak të përfshirjes në korrupsion madhor, rreth 40 zyrtarë të huaj dhe anëtarët e familjeve të tyre janë përfshirë nga Departamenti i Shtetit në listën e atyre që u ndalohet hyrja së bashku me familjet në ShBA. Uashingtoni, tha ai, do ta vazhdojë më tej këtë praktikë. Nga Shqipëria në këtë listë, janë 3 ish zyrtarë dhe familjet e tyre, që e çojnë në 14 numrin e përgjithshëm të individëve që u ndalohet hyrja në Amerikë.Zyrtari i fundit nga Shqipëria i përfshirë në këtë listë ishteish kryetari i Bashkisë së Durrësit, Vangjush Dako. E njëjta masë është marrë më parë për ish-Prokurorin e Përgjithshëm Adriatik Llalla dhe ish-deputetin socialist Tom Doshi. Sipas ligjeve amerikane, kur Sekretari i Shtetit ka informacione të besueshme se një zyrtar i huaj është përfshirë në raste të mëdha korrupsioni, ose shkelje të të drejtave të njeriut, atij dhe familjes së tij të ngushtë, i ndalohet hyrja në Amerikë. Vangush Dako, bëhet kështu zyrtari i tretë nga Shqipëria që ndalohet të hyjë në Shtetet e Bashkuara së bashku me familjen. Para tij, e njëtja masë është marrë ndaj ish Prokurorit të Përgjithshëm Adritaik Llalla dhe ish deputetit socialist Tom Doshi. Ligji që u ndalon hyrjen në ShBA të zyrtarëve të huaj, është një prej mjeteve që ka në dispozicion administrata amerikane për të luftuar korrupsionin dhe shkeljet e të drejtave të njeriut nga zyrtarë të huaj. Në ndryshim nga ligjet për dhënien e vizave, ku në rast refuzimi, vendimi është konfidencial, ligji që përcakton zyrtarët e huaj si persona jo të përshtatshëm për të hyrë në Amerikë, nuk është konfidencial dhe mund të bëhet publik. Ky ligj i ka fillesat në vitin 2008, kur Kongresi, synoi të identifikojë dhe të shpallë të papërshtatshëm për të hyrë në Amerikë zyrtarë të huaj të përfshirë në afera korruptive për të shfrytëzuar burimet natyrore të vendeve të tyre. Në vitin 2012, Kongresi e zgjeroi hapësirën e shtrirjes së këtij ndalimi, duke përfshirë në të termin “raste të mëdha korrupsioni” dhe sqaroi se njoftimi për individët përkatës mund të bëhej publik ose të mbetej privat. Rasti i parë që Depaertamenti i Shtetit e përdori këtë ligj, ishte në shkurt të vitit 2018, kur ndaloi hyrjen në Shtetet e Bashkuara të ish Prokurorit të Përgjithshëm të Shqipërisë Adriatik Llalla. Në njoftimet e Departamentit të Shtetit nuk përmendet se për cilat raste specifike bëhet fjalë për këta zyrtarë. Në të kaluarën Zëri i Amerikës ka nxjerrë në pah, rastin e hetimeve të Prokurorisë për kryetarin e bashkisë së Durrësit Vangjush Dako, i cili rezulton të ketë mbajtur kontakte me anëtarët e një grupi të krimit të organizuar, i njohur si grupi i “Avdylajve” që dyshohet të jetë përfshirë në blerje votash në ndihmë të zotit Dako gjatë zgjedhjeve parlamentare të 2017s. Bisedat e përgjuara telefonike sipas dosjes së prokurorisë tregojnë gjithashtu një marrëdhënie të shtrirë në kohë mes Dakos dhe vëllezërve Avdyli, kontributi i të cilëve në zgjedhje duket se është shpërblyer me qasje pranë disa institucioneve kyçe në Durrës. Zoti Dako i ka mohuar akuzat. Gjatë një debati në parlament për këtë rast, kryeministri Rama i doli në mbrojtje zotit Dako, duke i quajtur përgjimet “llafe kafenesh”, ndonëse më pas nuk e kandidoi më zotin Dako për zgjedhjet e fundit lokale të 30 qershorit, por pa njohur përgjegjësi për rastin e tij.

Fshati Anglez, u sakrifikua për të ndalur Mortajën
28/01 18:51
Boris Johnson sfidon hapur Amerikën/ I lejon Huaweit qasje në 5G
28/01 18:40
Ish-mbreti i Belgjikës pranon atësinë pas testit të ADN
28/01 17:16
Koronavirusi i frikshëm/ Çfarë duhet të dimë për 2019-nCov
28/01 15:33
Rindizet zjarri i vjetër? Mediat vazhdojnë të spekulojnë për Pitt dhe Aniston
28/01 13:18
Në Indonezi ftohen gratë të fshikullojnë shkelëset e së njëjtës gjini
28/01 13:13
Aksidenti i Kobe Bryant/ Hetuesit 5 ditë në vendngjarje, nuk gjenden trupat
28/01 13:11
Rrëzohet avioni amerikan/ Mjet i ushtrisë amerikane, por s’dihen viktimat
28/01 12:44
Përse rrinë shqiptarët në internet? Shumica e përdorin për informacion mbi mallra e shërbime
28/01 12:33
Mbi 100 të vdekur nga koronavirusi/ Rastet e infektimit po dyfishohen brenda ditës
28/01 11:52
Tragjedia Bryant/ A kishte faj piloti?
27/01 20:25
Rishfaqet ISIS/ Kërcënon të sulmojë Izraelin
27/01 20:10
Pas Grenellit, Borell/ Kryediplomati i BE, në Prishtinë e Beograd
27/01 20:08
81 të vdekur, 3 mijë të infektuar/ Koronavirusi, dyshohet që në kinë të jenë 100 mijë persona të prekur
27/01 19:40
Qeveria turke: Presim termet 7,5 në Stamboll
27/01 16:36
Në një fshat hungarez ndodhet libri më i madh në botë!
27/01 16:17
Dokumentari “Us Kids”, dedikuar të mbijetuarve të Parklandit
27/01 16:15
Tërmeti në Turqi, të mbijetuarit strehohen në trena
27/01 15:28
“Dështon” Salvini/ Në Emilia Romania të Italisë fiton PD
27/01 14:32
Britani e Madhe/ Dalin në qarkullim 10 milionë monedha 50-centëshe për Brexit-in
27/01 14:29