Top News/ SHBA dërgoi fshehtas ATACMS në Ukrainë/ Tërbohet Moska: Ky veprim nuk mund të justifikohet

Ambasadori i Rusisë në SHBA tha se transferimi i raketave balistike me rreze të gjatë veprimi në Ukrainë është "i pamundur të justifikohet".Tre zyrtarë amerikanë i thanë NBC Neës, se Ukraina kishte përdorur tashmë Sistemin Raketor Taktik të Ushtrisë Amerikane, të quajtur ATACMS, kundër Rusisë, të paktën dy herë. Në një kundërpërgjigje, Anatoly Antonov tha se "zyrtarët amerikanë në mënyrë retroaktive" konfirmuan faktin se "armë jashtëzakonisht të rrezikshme ishin dërguar në Kiev" dhe e quajti këtë një "akt të fshehtë". Sipas kanalit Telegram të ambasadës ruse, ai shtoi se Rusia "tashmë kishte rrëzuar disa raketa ATACMS" dhe "do të vazhdojë ta bëjë këtë". Antonov tha gjithashtu: "A nuk kanë frikë politikanët amerikanë që të zhyten në moçalin e konfliktit? Uashington nuk do të jetë në gjendje të hedhë pas shpine gjendjen e tmerrshme që ka thithur gjakun e ushtarëve të thjeshtë”.