SHBA, nëna vret 6 fëmijët e saj
14/04/2014
SHBA, nëna vret 6 fëmijët e saj
Një grua në Jutah të Shteteve të Bashkuara është akuzuar për vrasjen e 6 fëmijëve të mitur të saj, pasi trupat e tyre u gjetën në disa kuti mbeturinash në shtëpinë e saj të mëparshme.

Megan Huntsman, 39 vjeç, i solli në jetë fëmijët mes viteve 1996 dhe 2006. Megjithatë, shtatë trupa u gjetën nga policia në shtëpinë e gruas, në lokalitetin Plisant Grov dhe ende nuk dihet përse ajo ka deklaruar vetëm për gjashtë fëmijë.

Bashkëshorti i saj, i çuditur, zbuloi trupin e parë në garazh para se të lajmëronte autoritetet. Për momentin ai nuk është i akuzuar. Ndërsa Megan Huntsman u akuzua për gjashtë vrasje dhe ndodhet në burgun e Jutahut që prej së dielës.

Darren West, i cili ka qenë në burg deri para pak kohësh për akuza të lidhura me trafikun e drogës, besohet të ketë qenë partneri i gruas kur fëmijët kanë ardhur në jetë.

“Ne nuk besojmë se ai kishte dijeni për situatën”, deklaroi zëdhënësi i policisë lokale, Michael Roberts. Kur u pyet nga mediat se si kishte mundësi që ai të mos dinte se e shoqja kishte lindur 7 fëmijë, ai u përgjigj: “Kjo është pyetja 1-milion dollarëshe”.

Oficerët e policisë u tronditën gjithnjë e më shumë teksa gjenin një fëmijë në çdo kuti, tha zëdhënësi, për të shtuar se trupat janë dërguar për ekspertizë mjeko-ligjore.

Kampione të ADN-së janë marrë nga Megan Huntsman dhe i shoqi dhe do të përdoren për të konfirmuar identitetin e prindërve të viktimave.
/ Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 139.9
USD 124.7 125.6
GBP 190 190.7
CHF 128 128.7
TREGJE DHE BURSA
N/A N/A
N/A
N/A
S&P 500 1921.22
-29.91
-1.53%
FTSE 100 6042.92
-151.18
-2.44%
NASDAQ 4683.92
-49.58
-1.05%
FTSE MIB 21472.68
-704.69
-3.18%
CAC 40 4523.08
-130.71
-2.81%
DAX 10038.04
-279.80
-2.71%
HANG SENG 20840.61
-94.33
-0.45%
Nikkei 225 17792.16
-390.23
-2.15%
S&P/ASX 100 4207.40
+9.80
+0.23%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.