Suedia do të vendosë njësi të mekanizuara në Letoni ku përfshihen tanke CV90 dhe Leopard 2. Vendimin e njoftoi kryeministri suedez, Ulf Kristersson gjatë një takimi në Stokholm me homologen e tij letoneze, Evika Silina, vendi i tij do të dërgojë trupa të NATO-s në Letoni vitin e ardhshëm për të ndihmuar në mbështetjen e shtetit baltik pas pushtimit rus të Ukrainës. “Forcimi i sigurisë së rajonit të Balltikut tani është edhe më urgjent se sa ishte më pare. Vendimi i qeverisë suedeze për të filluar zyrtarisht përgatitjet për dislokimin e disa njësive të forcave të saj të armatosura në Letoni është një lajm i shkëlqyer për forcimin e sigurisë sonë të përbashkët”, u shpreh Silina. Kontributi i trupave është i pari i Suedisë që kur vendi u bashkua me NATO-n në mars të këtij viti, pas kërkesës së bërë pas nisjes së agresionit rus në Ukrainë.