103 mijë dollarë për trashëgiminë
15/01/2013 15:30
Në një kohë kur debati dhe shqetësimi për ruajtjen e trashëgimisë kulturore janë më të nxehta se kurrë, një lajm i mirë vjen nga Ambasada e Shteteve të Bashkuara të Amerikës.

Në një projekt të mbështetur nga Fondi i Ambasadorit për ruajtjen e trashëgimisë kulturore, Z.Arvizu ka nënshkruar një marrëveshje për dhënien e një granti prej 103 mijë dollarësh, Qendrës për Studime Albanologjike.

Alexander Arvizu, ambasador i SHBA-së në Tiranë, theksoi: “Kur erdhëm më herët për të parë situatën këtu, u ndjemë zemërthyer teksa pamë kushtet në të cilat strehoheshin, lagështirën e madhe dhe mykun në të cilin gjendeshin disa prej artifakteve më të rëndësishme të historisë. Jam mëse i bindur se ky është granti i duhur për projektin e duhur dhe shpresojmë se ai do të ndihmojë për të përmirësuar situatën sepse do të ndihmojë për rinovimin e qendrës dhe krijimin e një godine ruajtëse me cilësitë që duhen për të parandaluar dëmtimin e mëtejshëm të këtij koleksioni.” 

Fondi i Ambasadorit është krijuar para 10 vjetësh për të dhënë ndihmesë financiare në mbrojtjen e objekteve të trashëgimisë kulturore. Që prej krijimit, me këtë fond janë financuar mbi 700 projekte në mbi 100 vende të botës. Cdo vit miratohen rreth 10 projekte nga qindra të paraqitur nga ambasada të ndryshme  të Shteteve të Bashkuara në mbarë globin.

Ky është projekti më i madh i aprovuar për Shqipërinë, ndër 9 grantet e dhëna deri më sot. Me anë të tij do të bëhet e mundur ruajtja e mbi 20 mijë objekteve dhe artifakteve që ndodhen në fondin e Institutit të Albanologjisë, rreth 18 mijë prej të cilave nuk janë të ekspozuara dhe ruhen në kushte jo të favorshme e rrezikojnë dëmtime serioze.
 

/ Top Channel
LAJME TE NGJASHME

comments powered by Disqus

VLERËSO KËTË LAJM

KRYESORET




SONDAZH

A e konsideroni vizitën e kryeministrit serb, Vuçiç, dhe të disa kryeministrave të tjerë të rajonit në Tiranë, si shenjë të mirë për paqen dhe zhvillimin në Ballkan?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 140.6 141.1
USD 128.8 129.5
GBP 198.5 199
CHF 135.5 136
TREGJE DHE BURSA
N/A N/A
N/A
N/A
S&P 500 2117.41
-6.07
-0.29%
FTSE 100 7040.92
+7.59
+0.11%
NASDAQ 5090.22
-16.38
-0.32%
FTSE MIB 23744.13
-116.94
-0.49%
CAC 40 5137.83
-44.70
-0.86%
DAX 11677.57
-93.56
-0.79%
HANG SENG 27454.31
-626.90
-2.23%
Nikkei 225 20551.46
+78.88
+0.39%
S&P/ASX 100 4754.10
-10.90
-0.23%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.