Vladimir Putin ka urdhëruar anulimin e paradave ushtarake të përvitshme, në ditën e fitores të rusisë, për shkak të frikës nga sulmet me dronë kamikazë ukrainas. Presidenti rus ka reduktuar në minimum pjesën më të madhe të festimeve të 9 majit, ditë e shënuar në kalendarin rus, sepse nuk mund të garantojë sigurinë e qytetarëve të tij. Paradat ushtarake patriotike mbahen zakonisht në të gjitha qytetet ruse duke shënuar fitoren e rusisë kundër gjermanisë naziste në luftën e dytë botërore. Këto evente zakonisht përdoren nga Putini për të treguar fuqinë e makinës ushtarake ruse. dhe përkëdhelin krenarinë kombëtare. Parada në sheshin e kuq, në Moskë, duket se do të mbahet, por Putin ka urdhëruar masa të larta sigurie. Rajonet Belgorod, Bryansk, Pskov, Ryazan, Kursk dhe Saratov anuluan festimet, pavarësisht se jo të gjithë ata janë afër Ukrainës. Dita e Fitores nuk do të festohet po ashtu as në rajonet e pushtuara të Ukrainës, duke përfshirë Zaporizhzhian dhe Sevastopolin në Krime për "arsye sigurie". Vitin e kaluar, Dita e Fitores u anulua në një pjesë të territoreve ruse ndërsa parada në moskë ishte dukshëm më e vogël se të mëparshmet. Pas dy vitesh luftë në ukrainë, po qarkullonin në atë kohë zëra se nuk kishte mjaftueshëm tanke për ti përdorur në paradë.