Pakistanezi i akuzuar për plagosjen e dy personave përpara ish-zyrave të Charlie Hebdo 5 ditë më parë planifikonte që t`I vinte atyre flakën dhe me shumë gjasë, do ta kishte cuar deri në fund qëllimin e tij. Ai thjesht nuk e dinte që revista kishte ndryshuar vend. Prokurori, Jean-Francois Ricard sqaroi në një konferencë për shtyp se i dyshuari-në atë që qeveria franceze e ka quajtur një akt të "terrorizmit islamik" – kishte me vete tre shishe me lëndë djegëse të cilat do t`I përdote për të djegur zyrat e Charlie Hebdo. sipas Ricard 18 vjecari I lindut në Pakistan që e kishte identifikuar veten si Hassan A ., vepronte me identitet të rremë. Dymbëdhjetë vetë u vranë në 2015 nga agresorët që sulmuan redaksinë e revistës në shenjë hakmarrjeje ndaj botimit të karikaturave të Profetit Muhamed. Pas asaj ngjarjeje, Charlie Hebdo e zhvendosi selinë e saj në një vend të panjohur dhe këtë muaj ribotoi disa nga karikaturat për të shënuar fillimin e gjyqit ndaj 14 personave të dyshuar për bashkëpunim me vrasësit.