Presidenti rus, Vladimir Putin, veshi të martën uniformën ushtarake gjatë lojërave të luftës Zapad 2025 ose ndryshe, Perëndimi 2025. Paraqitja e tij me veshje ushtarake erdhi mëngjesin para se Donald Trump të zbriste në Mbretërinë e Bashkuar. Putin u pa për herë të fundit me uniformë ushtarake në mars të këtij viti kur kritikët pretenduan se kishte qenë në fakt një sozi e tij. Duke u shfaqur në poligonin e stërvitjes Mulino në rajonin Nizhny Novgorod, shefi i Kremlinit ishte të paktën 800 km larg vijës më të afërt të frontit. Putin - Komandanti Suprem i Rusisë - e ka shmangur me vendosmëri vijën e frontit, ndryshe nga udhëheqësi ukrainas Volodymyr Zelensky. Ky i fundit vesh rregullisht uniformën ushtarake dhe shfaqet së bashku me ushtarët e tij. 72-vjeçari zgjodhi të vishte uniformën përpara mbërritjes së Trump në Kështjellën Ëindsor të martën në mbrëmje.