Presidenti i Zvicrës Ignazio Cassis tha se ka shumë mundësi që Zvicra neutrale të ndjekë shembullin e Bashkimit Evropian për ti vënë sanksione rusisë dhe për të ngrirë asetet ruse në vendin alpin.Cassis, tha për mediat se këshilli federal me shtatë anëtarë do të diskutojë të hënën për të rishikuar rekomandimet e departamenteve të financës dhe ekonomisë. I pyetur nëse Zvicra, një qendër e madhe financiare do të ndjekë shembullin e BE, ai tha: Ka shumë gjasa që qeveria të marrë këtë vendim të hënën. Presidenti shtoi se neutraliteti i Zvicrës duhet të ruhet dhe se vendi është i fatshëm të ofrojë hapësirat për diplomaci nëse bisedimet mes ukrainës dhe rusisë në kufirin bjellorus nuk do të kenë sukses në arritjen e një armëpushimi. “Kjo nuk na ndalon ne ta quajmë shkatën, shpatë”, tha ai. Zvicra në fakt ka ndjekur një linjë të vështirë mes tregimit të solidaritetit me perëndimin dhe ruajtjen e neutralitetit të saj tradicional që qeveria thotë se mund të bëhet një ndërmjetëse e mundshme. Por vendi është nën presion për tu pozicionuar hapur me perëndimin dhe kundër moskës dhe për të ndërmarrë sanksione ndëshkuese ndaj Rusisë. Qeveria deri më tani ka thënë vetëm se nuk do ta lejojë zvicrën të përdoret si platformë për të evituar sanksionet e BE. Në atë që ishte edhe marshimi më i madh i paqes në dekada të tëra, rreth 20 mijë njerëz demonstruan në kryeqytetin e zvicrës, Bernë, në mbështetje të Ukrainës, në fundjavë, me shumë zëra që kundërshtojnë edhe qeverinë për politikën e matur të saj. Qeveria e zvicrës tha janën e shkuar se do të përfshinte 363 individë dhe katër kompani në listën e saj të vëzhgimit, pas sanksioneve të BE-së. Sipas të dhënave, rusët kishin më shumë se 11 miliardë dollarë në bankat e zvicrës në 2020-ën.