Pas muajsh mospajtime, shumica e anëtarëve të Unionit të Transmetuesve Evropianë, EBU, ranë dakord që të ndryshojnë rregullat e votimit, që do t’i mundësojnë Izraelit të marrë pjesë në Festivalin Evropian të Këngës, Eurovision, që do të mbahet në maj. Kjo nënkupton se të gjitha shtetet që duan të marrin pjesë në garën muzikore mund ta bëjnë një gjë të tillë. Pas këtij vendimi, organizatat transmetuese nga Spanja, Irlanda, Holanda dhe Sllovenia njoftuan se do ta bojkotojnë këtë ngjarje. Transmetuesi spanjoll, RTVE është një nga pesë financuesit kryesorë të ngjarjes. Ndërsa, Avrotos nga Holanda tha se vendimi ishte “rezultat i një procesi të kujdesshëm”. Sllovenia tha se vendimin e mori për shkak se “nuk do të jetë në Eurovision bashkë em Izraelin, në emër të 20 mijë fëmijëve që vdiqën në Gazë”. EBU dhe ORF e Austrisë, si transmetues mikpritës, kanë zhvilluar diskutime të shumta javët e fundit për të parandaluar bojkotin. Një nga mesazhet kryesore ishte se spektakli më i madh muzikor në botë është një ngjarje e organizuar nga transmetues publikë dhe kjo ngjarje nuk duhet të jetë politike.