Hetimet e prokurorisë së Elbasanit për dyshimet për zjarrëvënie të qëllimshme në landfillin e inceneratorit të Elbasanit kanë zbuluar elementë të shpërdorimit të detyrës nga të emëruarit e pushtetit vendor në disa bashki të këtij qarku. Për këtë qëllim, me vendim të gjykatës, prokuroria dhe policia e Elbasanit mëngjesin e së hënës kanë kryer kontrolle në 14 banesa të personave që kanë lidhje me inceneratorin. Kontrollet e prokurorisë janë ushtruar në kuadër të hetimeve që po kryhen në këtë incenerator për akuzën e "shpërdorimit të detyrës". Hetimet kane nisur me shumë se një vit më parë për zjarrvënie, teksa fusha e mbetjeve u përfshi nga flaket në vitin 2024 dhe sërish pak javë më parë. Kontrolle janë ushtruar në banesat e disa nënkryetarëve të bashkive Peqin, Gramsh, Librazhd dhe Cërrik, që sipas marrëveshjes depozitojnë mbetjet në landfillin e inceneratorit të Elbasanit. Qëllimi i kontrolleve lidhet me marrjen e dokumentacionit që lidhet me këto dërgesa që dërgon në incenerator. Burimet pohojnë se janë gjetur sende të paligjshme gjatë këtyre kontrolleve dhe nuk përjashtojnë komunikimin e masave të arrestit për disa persona.