Për herë të parë në mënyrë ekskluzive Top Story bëri të njohur identitetin e atyre njerëzve që janë cilësuar si fantazëm, pasi askush nuk i njeh, por që kanë zhvatur mijëra qytetarë që kanë marrë një kredi, por në pamundësinë e pagesës janë mbifaturuar, duke u shkatërruar ekonomikisht. Elda dhe Olsi Ibro bashkëshortë, Arben Meskuti dhe Ernela Çuberi bashkëjetues dhe prindër të tre fëmijëve janë emrat e personave qw kanw ndikuar jo pak nw rrwnimin ekonomik tw shumw familjeve shqiptare. Olsi Ibro ka qënë punonjës juridik në periudha të ndryshme i Micro Credit Albania dhe ZiG Company. Ai aktualisht punjonjës i ADCA dhe ortak i Re-Plus me emër tregtar Re-Max Plus, ndwrsa Elda Ibro është ortake dhe administratore e Micro Credit Albania. Arben Meskuti ortak dhe administrator në periudha të ndryshme i Shërbimit Përmbatimor ZiG, zyrë avokatie ADCA dhe shoqërisë përmbarimore FLASH. Në këtë skemë ky shtetas ka përfshirë edhe mamanë e tij Yllka Meskuti. Ajo është ortake dhe administratore e shërbimit përmbarimor ZiG dhe FLASH. Ernela Çuberi, bashkëjetuesja dhe nëna e fëmijëve të Arben Meskutit ka lujatur rolin e noteres. Në vitin 2019 asaj i është hequr licensa pasi u vërtetua se aktivitetin nuk e kryente në rrethin ku ishte licensuar në Kavajë, por në Tiranë. Ajo ka bërë 7535 akte noterie dhe 7285 prej tyre i ka për ADCA, pra për skemën kompanisë kreditimit.