Të Gjelbrit në Francë kanë shënuar sukses në zgjedhjet lokale, e tashmë do të marrin drejtimin e qyteteve si Lioni, Strasburgu e Bordeaux-ja. Partia në pushtet e Presidentit Macron dështoi në shumë komuna. Tani shefi I Elizesë thotë se do të ristrukturojë qeverinë. Zëdhënësi i partisë "Europe Écologie - Les Verts", Sas, foli për një valë të Gjelbër që përshkoi vendin. Deri më sot, Grenoble ishtë i vetmi qytet i madh me një kryetar bashkie Të Gjelbër. Por tani thuajse të gjitha qytetet e mëdha tani qeverisen nga Të Gjelbrit. Korrespondetët e huaj flasin për një "tërmet të gjelbër" në Francë. Sipas politikanit të kësaj partie, Yannick Jadot, peisazhi politik në vend po riorganizohet, me ekologjinë në qendër. Në Paris fitoi kryetarja aktuale socialiste e basjkisë, Anne Hidalgo - por edhe ajo mbron një program vazhdimisht të gjelbër dhe, sipas analistëve, arriti një "fitore të papritur”. Partia e Macronit u përball me humbjen në shumë komuna, cka dëshmoi se ndjekësit e tij nuk qenë në gjendje të hidhnin rrënjë në ambjentet lokale për këtë forcë politike të krijuar në vitin 2016.