Komisioni Qëndror i Zgjedhjeve ka miratuar buxhetin për partitë politike, që në 25 prill do të përballen me qytetarët, ku do prcaktohet se cila prej tyre do të drejtojë vendin. Në mbledhjen e kësaj të shtune, komisioni shtetëror i Zgjedhjeve ka miratuar fondin prej 140 milionë lekësh nga Buxheti i Shtetit për partitë që kanë justifikuar pjesëmarrjen në politikë, bazuar në përllogaritjen e përqindjeve që këto parti kanë fituar në zgjedhjet e fundit për Kuvendin e Shqipërisë. Kësisoj, shumën më të madhe e përfiton Partia Socialiste me një vlerë prej më shumë se 63 milionë lekë të reja dhe më pas Partia Demokratike me thuajse gjysmën e vlerës që përfiton partia që ka shumicën dhe qeveris vendin. E treta që përfiton nga buxheti prej miliona lekësh është Lëvizja Socialiste për Integrim, e cila përfiton pak më shumë se 20 milionë lekë. Më tej janë edhe tre parti të tjera që fitojnë të ardhura që do i përdoren në zgjedhjet e 25 prillit. Sipas vendimit të Komisionit Qëndror të Zgjedhjeve, ndarja është bazuar në përqindjen e përfituara me numër deputetësh në zgjedhjet e vitit 2017. Sipas vendimit të Komisionerit Shtetëror të Zgjedhjeve bazuar në nenin 19 pika 2 të ligjit me numër 8580 të vitit 200 për partitë politike, ligj i ndryshuar më vonë, 20 për qind e shumës totale ndahet në mënyrë të barabartë ndërmjet partive parlamentare dhe partive politike që kanë përfituar mbi 10 mijë vota në zgjedhjet e fundit.