Kryeministri italian, Mario Dragi e quajti presidentin Turk diktator, pasi presidenja e komisionit evropian, Ursula von der Lejen u la në këmbë në një takim të zhvilluar në ankara. Kjo e ka zemëruar shumë Turqinë e cila i dënoi menjëherë komentet. Turqia i dënoi komentet e bëra nga kryeministri i Italisë, i cili e krahasoi presidentin turk, Recep Tayyip Erdogan, me një diktator dhe e kritikoi trajtimin që i është bërë presidentes së Komisionit Evropian, Ursula von der Leyen, gjatë vizitës në Turqi, këtë javë. Von der Leyen dhe shefi i Këshillit Evropian, Charles Michel, u takuan me Erdoganin më 6 prill. Të ftuarit u shoqëruan në një dhomë të madhe për bisedime, por atje ishin vendosur vetëm dy karrige për tre udhëheqësit. Atje u ulën dy burrat, ndërsa von der Leyen u ul në një divan të madh, larg homologëve të saj meshkuj. Ankaraja i hodhi poshtë akuzat për shpërfilljen e von der Leyenit, për shkak të gjinisë së saj. Kryeministri italian, Mario Draghi, tha se është “shumë i pakënaqur me poshtërimin që presidentja von der Leyen ka pësuar”.