Të paktën 235 persona janë arrestuar në Melburn të Australisë mëngjesin e të shtunës, pas manifestimeve të dhunshme anti-izolim në qendër të qytetit. Sipas britanikes The Guardian, janë lënduar ndërkohë edhe 10 policë. Rreth 1 mijë manifestues janë mbledhur në periferinë veri lindore të Richmondit dhe Hauthornit, të detyruar të ndryshojnë pozicion në moment të fundit pasi 2000 agjentë policie krijuan një gardh rreth zonës komerciale dhe financiare të Melburnit. Në një pikë të caktuar, manifestuesit u filmuan ndërsa hidhnin objekte, mes të cilëve shishe uji, kundër policisë, që kishte krijuar një barrierë njerëzore për të bllokuar marshimin. Agjentët u përgjigjën duke përdorur gazin lotsjellës. Komandanti i policisë në shtetin e viktorias, Mark Galliott, tha se 235 persona u arrestuan prej të cilëve 193 u gjobitën për shkjelje të normave të shëndetit publik. Krimet e kontestuara janë agresion ndaj policisë, sjellje rebele, armë dhe drogë. Shteti i viktorias raportoi një ditë më parë 535 raste të reja me covid, shifra ditore më e lartë e regjistruar këtë vit. Të tjera manifestime kundër izolimeve janë kryer në sidnei dhe në Byron Bay (Bajron Bej).