Lufta Izrael-Gaza po largon vëmendjen nga konflikti në Ukrainë, tha presidenti i vendit, Volodymyr Zelensky duke nënvizuar se ky ka qenë një nga synimet e rusisë. Zelenski i bëri deklaratat pas një takimi që zhvilloi me shefen e Bashkimit Evropian, Ursula von der Lyen në Kiev. Mes tjerash, Zelensky mohoi që kundërofensiva në ukrainë të ketë ngecur në vend. Kundërsulmi i Ukrainës në pjesën jugore raportohet se ka shënuar pak përparime dhe një gjë e tillë ka rritur shqetësimet te aleatët perëndimorë të Kievit, dhe ka sugjerime se disa vende po hezitojnë të vazhdojnë ndihmën për Ukrainën, me armë të avancuara dhe fonde shtesë. “Të gjithë janë të lodhur dhe ka mendime të ndryshme”, tha Zelensky, por sipas tij, nuk bëhet fjalë për një bllokim. Lideri i ukrainës kujtoi se edhe vitin e kaluar u fol shumë për një ngecje në fushëbetejë të ukrainës, por më pas, sipas tij, erdhën fitoret e mëdha ushtarake në harkivin veri lindor dhe në herson, në jug. Zelenski ndërkohë ka pranuar se Rusia është në kontroll të zonës ajrore dhe prandaj, sipas tij, Kievi ka nevojë urgjente për avionët luftarakë amerikanë F-16 dhe pajisje tjera të avancuara për ta ndryshuar situatën. Zelensky, po ashtu, ka hedhur poshtë raportimet se është nën presion për të shqyrtuar mundësinë e negociatave me Rusinë. “Sot, askush në mesin e liderëve të BE-së, SHBA-së dhe të tjerëve, partnerëve tanë, nuk është duke bërë presion që të ulemi dhe të negociojmë me rusinë dhe as të japim dicka. Kjo nuk do të ndodhë” – tha ai.