Diehl Defence ka zbuluar një raketa-lëshues të unifikuar që mund të lëshojë variante raketash me rreze të mesme dhe të gjatë veprimi të sistemit të mbrojtjes ajrore IRIS-T të Gjermanisë, që sipas aftësive të tij, mund të jetë përgjigja e Evropës ndaj sistemit Patriot të prodhuar në SHBA. Kompania gjermane e mbrojtjes prezantoi raketa-lëshuesin në Enforce Tac, panairi kryesor i Gjermanisë për sigurinë dhe mbrojtjen, duke bashkuar sistemin me rreze të mesme veprimi IRIS-T SLM dhe sistemin me rreze të gjatë veprimi IRIS-T SLX. Lëshuesi i ri mund të përdorë të dy variantet e raketave, madje edhe të përziera brenda të njëjtës bateri. Sistemi IRIS-T SLM përbëhet nga një qendër komande mobile, një radar dhe disa mjete lëshimi me raketa interceptuese. Radari mund të zbulojë objektiva deri në 250 kilometra larg, duke përfshirë dronë, avionë dhe raketa lundrimi.