Zëdhënësi i Hamasit Ghazi Hamad, duke folur për agjencinë libaneze të lajmeve LBCI News, paralajmëroi Izraelin se do të përballet me shumë ‘7 tetorë’ të tjerë përsa kohë zë tokat e palestinezëve. "Izraeli është një shtet që nuk ka vend në tokën tone. Ne duhet t'i japim Izraelit një mësim dhe ne do ta bëjmë këtë përsëri dhe përsëri. Stuhia e Al-Aksa është vetëm hera e parë dhe do të bëhet për herë të dytë, të tretë, të katërt, etj., sepse ne kemi vendosmërinë të luftojmë”, tha zëdhënësi i Hamasit. Duke iu referuar vdekjeve të civilëve, ai tha se njerëzit nga të dyja palët e kanë paguar me jetë. Madje, duke komentuar masakrën në festivalin muzikor, ai tha se ishte pasojë e “komplikimeve në terren”. "A duhet të paguajmë një çmim? Po, dhe ne jemi të gatshëm ta paguajmë për këtë. Ne quhemi komb dëshmorë dhe jemi krenarë që sakrifikojmë si dëshmorë", tha ai. “Ekzistenca e Izraelit është ajo që po shkakton gjithë këtë dhimbje, gjak dhe lot. Faji është Izraeli, jo ne. Ne jemi viktima të okupimit”, theksoi zëdhënësi I Hamasit.