Policia e Tiranës ka goditur një rast prostitucioni pas hetimesh të zhvilluara prej disa muajsh. Gjatë këtij operacioni u arrestua një 20-vjeçar nga Tirana, i cili dyshohet se në bashkëpunim me një shtetas ende të paidentifikuar me origjinë kolumbiane trafikonte gra kryesisht nga Kolumbia drejt Shqipërisë për t’i shfrytëzuar më pas në aktivitetin e prostitucionit. Gjatë veprimeve hetimore u kapën në flagrancë 7 shtetase të huaja, 6 nga Kolumbia dhe 1 nga Panamaja, të moshave 27 deri në 35 vjeç, në një apartament me qira ditore në rrugën “Gjon Muzaka” në Tiranë, ku dyshohet se ushtronin prostitucion. Ndaj tyre ka nisur procedimi penal. Në total u sekuestruan një shumë parash e dyshuar e përfituar nga veprimtaria kriminale, 7 aparate celularë dhe sende të tjera të paligjshme. Policia po punon për të identifikuar dhe arrestuar bashkëpunëtorin kolumbian si dhe të personave të tjerë të mundshëm të përfshirë në këtë aktivitet kriminal.