Top News – Zbulohet pasuria e familjeve shqiptare/Sa të pasur janë dhe ku shkojnë më shumë paratë

Banka e Shqipërisë ndërmorri politikën e rritjes së norms bazë të interesave, që do të rezultonte në rritjen e depozitave, pasi tashmë janë më fitimprurëse dhe rrjedhimisht do sillte rritjen e investimeve në biznese private që do i jepte frymë ekonomisë shqiptare dhe do të nxiste punësimin. Por, bilancet e familjeve shqiptare tregojnë se paratë e grumbulluara gjatë viteve të punës shkojnë për blerje të pasurive të paluajshme, kryesisht banesave apo edhe shlyerjes së kredive për shtëpi. Një vrojtim për pasurinë e familjeve shqiptare, nga specialistët e Bankës së Shqipërisë tenton të japë një ide mbi bilancet e familjeve shqiptare. Një familje shqiptare ka një pasuri mesatare në vlerën e 8.5 milionë lekëve.