Në fshatin Zgërdhesh të Fushë-Krujës janë zbuluar 11 parcela me bimë narkotike kanabis sativa. Në total janë asgjësuar 591 bimë, të cilat dyshohet se janë kultivuar nga tre persona, dy prej të cilëve janë vëllezër. Të tre këta persona janë arrestuar në kuadër të operacionit “Koordinata”. Të tre personat e dyshuar janë arrestuar dhe po mbahen nën hetim, ndërsa policia vijon kontrollet e saj intensive në terren në kuadër të zbatimit të masave të planit operacional kombëtar për parandalimin dhe goditjen e kultivimit të bimëve narkotike. Ky plan ka për qëllim goditjen e të gjithë rrjetit të përfshirë në këtë veprimtari të paligjshme. Më herët gjatë së enjtes, në fshatin Spathar të Librazhdit u zbulua një parcelë tjetër me 150 fidanë kanabis sativa. Në këtë rast u arrestua edhe kultivuesi i dyshuar i parcelës.