Është zbardhur vendimi që coi Komisionin e Pavarur të Kualifikimit në shkarkimin e ish gjyqtares së Elbasanit Enkelejda Kapedani. Trupi gjykues i drejtuar nga Genta Tafa dhe anëtarja e komisionit Pamela Qirko, vlerësuan se ish gjyqtarja nuk e ka deklaruar saktë pasurinë e saj dhe se ka cënuar besimin e publikut me videot që ka publikuar në Tik Tok, që ishte arsyeja kryesore pse ajo u shkarkua nga detyra. Nga ana tjetër, relatorja e cështjes Brunilda Bekteshi ka dalë në pakicë dhe vlerësoi se konkluzioni i shumicës është i pabazë, ndërsa kërkoi rikonfirmin në detyrë të Enkelejda Kapedanit. Në muajin janar të vitit 2021, Këshilli i lartë gjyqsor pezulloi nga detyra për një periudhë 6 mujore ish gjyqtaren e Elbasanit, për shkak të një procedimi disiplinor të hapur nga Inspektori i Lartë të Drejtësisë.