Kontrollet e shtuara përgjatë vijës bredgetare kanë liruar hapësira të tjera në plazhin e Vilë Bashtovës dhe në plazhin e quajtur “Rëra e Bardhë’ tek Kepi i Rodonit të cilat ishin zënë në mënyrë të paligjshme nga disa persona. Në total u sekuestruan 170 komplete me çadra dhe shezlongë, ndërsa janë proceduar penalisht 6 persona, të cilët dyshohet se kishin zaptuar hapësirën publike pa lejen përkatëse. Shërbimet e Policisë bëjnë me dije se do të vijojnë kontrollet përgjatë gjithë vijës bregdetare, me qëllim lirimin e hapësirave publike dhe verifikimin e aktiviteteve që kryejnë subjektet, gjatë sezonit veror, në mënyrë që të garantohet siguria makimale për pushuesit. Operacioni u zhvillua nga shërbimet e komisariateve të Policisë Durrës dhe Kavajë, në kuadër të plan-operacionit "Plazhi i lirë".