Pam Bondi, kryeprokurorja e SHBA e shkarkuar nga Donald Trump ka reaguar përmes një deklarate, duke e falenderuar presidentin dhe duke u zotuar se do të bashkëpunojë me pasaardhësin për një transferim të butë të pushtetit. Bondi tha se do të ndihmojë të përzgjedhurin e ri nga Trump, Todd Blanche në marrjen e detyrës, duke shtuar se vetë do të angazhohej në sektorin privat. “Udhëheqja e përpjekjeve historike dhe shumë të suksesshme të Presidentit Trump për ta bërë Amerikën më të sigurt dhe më të mbrojtur ka qenë nderi i një jete dhe padyshim viti i parë më i rëndësishëm i Departamentit të Drejtësisë në historinë amerikane”, shkroi Bondi në X. Ajo renditi si suksese të saj uljen e numrit të vrasjeve, ngritjen për herë të parë të akuzave për terrorizëm ndaj organizatave të majta dhe luftën ndaj grupeve kriminale me aktivitet në trafikun e drogës.