Skandali i abuzimit me fondet e Bashkimit Europian ka prerë kokat e para në kabinetin qeveritar të Kryeministrit, Kiriakos Mitsotakis. Mesditën e së premtes, zëdhënësi i qeverisë konfirmoi riformatimin e kabinetit, ku u larguan dy ministra dhe një zëvendës ministër, të tre të përfshirë në dosjen e prokurorisë së Brukselit, që në fillim të kësaj jave kërkoi heqjen e imunitetit për 11 deputetë të parlamentit grek. Ministri i Zhvillimit Rural, Kostas Tsiaras, ministri i Mbrojtjes Civile, Janis Kefalojanis, si dhe zv.ministri i Shëndetësisë, Dimitris Vartzopulos, paraqitën dorëheqjet e tyre, të cilat sipas informacioneve janë kërkuar nga vetë kryeministri Kiriakos Mitsotakis. Dorëheqjen ka dhënë edhe sekretari i përgjithshëm i partisë Demokracia e Re, Kostas Skrekas. Dorëheqjet lidhet me faktin se dje Prokuroria Evropiane i dërgoi Parlamentit grek një dosje të re, e treta e rradhës, për skandalin e fondeve të IPARD. Nën hetim janë përfshirë edhe 9 deputetë të tjerë konservatorë mes tyre një ish-ministër dhe një ish-zëvendësministër i Bujqësisë.Për të gjithë këta kërkohet heqje imuniteti për të lejuar prokurorët evropianë të vazhdojnë hetimin..