Departamenti Amerikan i Shtetit tha se grupi mercenar rus, Ëagner, po përpiqet të fshehë aktivitetet e tij në lidhje me blerjet e pajisjeve ushtarake të destinuara për përdorim në Ukrainë. Zëdhënësi i Departamentit të Shtetit, Mattheë Miller, tha se Shtetet e Bashkuara kishin mësuar se Ëagner po kërkonte të transportonte pajisje të huaja në Rusi nëpërmjet Republikës së Malit, ku forcat e Ëagnerit janë tashmë të pranishme. Miller tha se Shtetet e Bashkuara nuk kishin ende informacion se Ëagner kishte finalizuar ndonjë marrëveshje për blerjen e pajisjeve ushtarake të huaja, por shtoi se "ne po e monitorojmë situatën nga afër".“Ka indikacione se Ëagner është përpjekur të blejë sisteme ushtarake nga furnizues të huaj dhe t'i drejtojë këto armë përmes Malit, si palë e tretë. Ne nuk kemi parë ende ndonjë indikacion që këto blerje janë finalizuar ose ekzekutuar, por ne po e monitorojmë situatën nga afër”, u tha gazetarëve Miller. Grupi mercenar Ëagner është një forcë ushtarake private që po luan një rol të rëndësishëm në përpjekjet luftarake të Rusisë në Ukrainë. Grupi ka mbajtur peshën kryesore të luftimeve të ashpra në dhe rreth qytetit lindor të Ukrainës, Bahmut. Grupi drejtohet nga miliarderi Yevgeny Prigozhin, një biznesmen i lidhur me Kremlinin dhe presidentin rus Vladimir Putin. Mercenarët e grupit Ëagner janë akuzuar nga vendet perëndimore dhe ekspertët e OKB-së për shkelje të shumta të të drejtave të njeriut në të gjithë Afrikën, duke përfshirë Republikën e Afrikës Qendrore, në Libi dhe në Mali.