Në një manastir të largët në perëndim të Maqedonisë së Veriut, Ati Porfirij e fillon ditën e tij duke ushqyer qentë e tij të mëdhenj të zinj Karaman, një racë që ka ruajtur kopetë e bagëtive në male për shekuj me radhë. Në shkurt, Karamani, fitoi njohje të përkohshme si një racë indigjene nga Federata Ndërkombëtare e Qenve. Vendimi kulmoi vite pune nga mbarështuesit, shkencëtarët dhe vetë atit Porfirij për të përcaktuar dhe ruajtur një nga racat më të vjetra të rajonit. "Ata janë qen shumë të mirë, shumë paqësorë," thotë prifti ortodoks për AFP-në, ndërsa u shpërndan ushqimin qenve në manastirin shekullor. I rrënjosur në traditat nomade të bagëtive, Karamani është një nga disa racat që barinjtë ballkanas përdornin për të mbrojtur kopetë në male nga arinjtë dhe ujqërit, një praktikë që daton që nga koha osmane.