Presidenti Serb, Aleksander Vucic, ka postuar së fundmi disa pamje të rralla të takimeve të tij me kryeministrin Shqiptar Edi Rama dhe atë të Maqedonisë së veriu, Zoran Zaev, duke shijuar nga një gotë verë, por duke dhënë edhe një mesazh për kosovën. Të tre ata janë nismëtarë të Open Balkan, një nismë kjo që është mbështetur nga disa vende të BE-së e kritikuar nga të tjerë, por që është hedhur poshtë nga Kosova, Mali i Zi dhe Bosnje Hercegovina. “Përparimi kërkon paqe, stabilitet, kufij të hapur dhe një vizion për të ardhmen. A ka të ardhme "Ballkani i Hapur"? Jam i sigurt se ka. Ju nuk mund t'i ndaloni njerëzit që duan të punojnë së bashku pa pengesa, të cilët luftojnë për të gjitha parimet mbi të cilat bazohet BE -ja, siç është lëvizja e lirë e mallrave , shërbimet, kapitali dhe njerëzit”, shkruan presidenti serb nën postimin e tij. Kosova, ashtu si edhe dy vendet e tjera ballkanike, mali i zi dhe Bosnje Hercegovina, e kanë refuzuar nismën me kryeministrin Albin Kurti që e cilëson atë si përpjekje për të rikthyer në jetë Jugosllavinë e dikurshme.