Presidenti i Serbisë, Aleksandër Vuçic iu përgjigj në mënyrë të prerë Bashkimit Europian duke thënë se ai nuk do të nënshkruajë kurrë një marrëveshje për njohje reciproke me Kosovën. Vuçic tha për gazetarët se nuk i ka shkuar kurrë në mendje të marrë në konsideratë një vendim të tillë. Reagimi i presidentit erdhi pasi Parlamenti Evropian miratoi të mërkurën një rezolutë, ku thuhet se marrëveshja përfundimtare ndërmjet Kosovës dhe Serbisë për normalizimin e marrëdhënieve, duhet të “bazohet në njohjen reciproke”.