Raportuesi i përhershëm i Parlamentit Evropian për Serbinë, Tonino Picula, pas vizitës së tij në Beograd, ku nuk zhvilloi asnjë takim me zyrtarët më të lartë shtetërorë, akuzoi presidentin e Serbisë, Aleksandar Vuçiç, pasi sipas tij, është ai që vendos për lëvizje të tilla. “Vendimin që kontaktet e drejtpërdrejta me mua, në emër të pushtetit, të reduktohen ekskluzivisht në bisedime në Kuvendin Popullor dhe në Ministrinë për Integrime Evropiane e mori, natyrisht, presidenti Vuçiç, pasi vetëm ai vendos për lëvizje të tilla,” u shpreh Picula për Radio Europa e Lirë. Diplomati shkoi në kryeqytetin serb më 20 shkurt, në Komisionin për Politikë të Jashtme të Parlamentit Evropian, ku u prezantua draft-raporti. Presidenti serb Aleksandër Vuçiç e refuzoi takimin me Piculën, madje e quajti një gënjeshtar. Pas preisdentit serb, takimin me diplomatin, e refuzoi edhe kreu i grupit parlamentar Milenko Jovanov. Picula pretendon se qëndrimi negativ i qeverisë ndaj draft-raportit për situatën në vend ishte promovuar që para mbërritjes së tij. Ai tha për REL, se këto lëvizje të qeverisë serbe, si edhe gjendjen në të cilën nodheet Serbia, do ta përfshijë në raportim mbi gjendjen në vend.