Një gjashtë vjecare në shba u vra dhe pesë persona të tjerë u lënduan në një incident me të shtëna në Uashington, mbrëmjen e të premtes. Incidenti ndodhi pas orës 23 të mbrëmjes, në pjesën juglindore të distriktyit. Policia tha se oficerët në zonë kishin dëgjuar të shtëna me armë zjarri dhe kur kishin mbërritur në vendngjarje një grup personash i kishin drejtuar tek të qëlluarit. Fëmija u dërgua në spital ku më pas u shpall e vdekur. Vec saj, tre burra dhe dy gra ishin qëlluar dhe kishin plagë që sidoqoftë nuk kërcënonin jetët e tyre. policia konfirmoi ndërkohë se nuk është bërë asnjë arrestim për rastin dhe se po vijon hetimi. “Ka shumë dhunë të lidhur me armët në këtë qytet”, tha shefi i departamentit të policisë i cili i kërkoi publikut të ndihmonte në identifikimin e të dyshuarve.