Një cift në brazil raportohet se është qëlluar për vdekje nga një fqinj i cili i fajësonte se i kishin infektuar familjen me covid. Flanklaber Silva e Silva, 40 vjec, dhe bashkëshortja e tij, Marília Silva e Silva, 37 vjec, u vranë në Goias të enjten në atë që po cilësohet si një akt hakmarrjeje. I dyshuari, që nuk është identifikuar, besohet se ka humbur babain dhe vëllain për shkak të virusit më herët këtë vit. Mediat braziliane raportojnë se ai i ishte afruar viktimave, që po punonin në një garazh dhe i kishte qëlluar me 20 plumba, para se të largohej nga vendngjarja. Ai kishte qëlluar burrin në kokë dhe gruan në fytyrë. Burri vdiq menjëherë në vendngjarje, ndërsa gruaja u transportua në spital po nuk mundi të mbijetonte. Edhe djali 21 vjecar i ciftit ishte plagosur në këmbë, por mjekët thonë se është jashtë rrezikut për jetën. I dyshuari ndërkohë u kap disa orë më vonë dhe u arrestua. Tani është hapur një hetim për ngjarjen ndërkohë që policët besojnë se bëhet fjalë për një hakmarrje.