Dy terroristë të dyshuar si pjesë e Shtetit Islamik komplotuan për të masakruar hebrenjtë në veriperëndim të Anglisë. Ëalid Saadaoui, 38 vjeç, dhe Amar Hussein, 52 vjeç, planifikuan të “vrisnin sa më shumë anëtarë të komunitetit hebre” në një sulm të ngjashme me atë të Parisit në vitin 2015. Kështu deklaroi prokuroria para Gjykatës së Kurorës në Preston. Anëtarët e jurisë dëgjuan se dyshja synonte të bëhej “martirë” duke planifikuar “vdekje masive”. Prokurorët thanë se dy burrat kishin planifikuar të kontrabandonin gjashtë armë zjarri dhe qindra municione përpara se të arrestoheshin nga oficerët e antiterrorizmit në maj të vitit të kaluar. Dy të arrestuarit po përballen me akuzën për përgatitjen e akteve terroriste, me objektiva kryesore komunitetin hebre në Veriperëndim të Anglisë. Vëllai i Ëalid Saadaoui, Bilel, gjithashtu akuzohet si pjesë e grupit dhe për përkrahje të akteve të terrorizmit. Por të tre të akuzuarit sipas The Telegraph i mohojnë akuzat.