Duke filluar nga viti 2026, ata që punojnë nga distanca dhe zhvendosen në një qytezë malore me më pak se 5,000 banorë në Itali do të mund të përfitojë përjashtim nga të gjitha taksat për punëdhënësin e tyre. Kjo parashikohet nga një ligj i ri i hyrë në fuqi më 20 shtator. Masa synon të luftojë shpopullimin e zonave të brendshme të vendit dhe të nxisë bizneset që të mbështesin punën në distancë si një praktikë standarde. Një bonus lindjeje është planifikuar gjithashtu për të porsalindurit dhe fëmijët e adoptuar në qytezat malore duke filluar nga 20 shtatori 2025. Për bizneset, kjo do të thotë një ulje e ndjeshme e kostove të punës. Për punonjësit, puna inteligjente zvogëlon udhëtimet dhe shpenzimet, përmirëson ekuilibrin mes punës dhe jetës dhe hap mundësi të reja, veçanërisht për gratë dhe të rinjtë. Puna në distancë, e lindur si përgjigje ndaj emergjencës së pandemusë së koronavirusit, tani po bëhet një mjet i qëndrueshëm për rritje ekonomike dhe sociale, me një ndikim të drejtpërdrejtë në zonat më të cenueshme. Lehtësimi tatimor do të zgjerohet plotësisht për periudhën dyvjeçare 2026-2027, deri në 8,000 euro në vit për çdo punonjës. Dhe do të ulet në 50%, maksimumi 4,000 euro, në vitet 2028-2029 dhe në 20% ose 1,600 euro në vitin 2030. Masa zbatohet për punëtorët nën 41 vjeç me kontrata të përhershme që transferojnë vendbanimin e tyre.