Vetëm 10 vite pasi kreu sulmin më vdekjeprurës në kohë paqeje në Norvegji, ekstremisti i djathtë, Anders Behring Breivik, i kërkoi të martën falje me kusht, një gjykate. Një kërkesë kjo që sidoqoftë, pritet të refuzohet. Por, familjet e viktimave të tij, që druajnë se ai do ta shfrytëzojë seancën si skenë për të shpalosur edhe një herë këndvështrimin e tij politik, kërkuan që atij ti privohet vëmendja që kërkon. Për arsye sigurie, gjykata e distriktit në rajonin jugor Telemark, do të dëgjojë kërkesën e Breivik për lirim me kusht në burgun ku ai po mbahet. Në 2012, Breivik, vrau 77 persona gjatë masakrës, u dënua me 21 vite burg, dënimi maksimal në Norvegji ky por që mund të zgjatet pa afat nëse autori konsiderohet një kërcënim për shoqërinë. Ai ishte i detyruar të kryente të paktën 10 vite burg para se të bënte kërkesën e parë për lirim me kusht. Më 22 korrik 2011, Breivik që tani është 42 vjec, vrau tetë persona pasi shpërtheu një autobombë afër godinave qeveritare në Oslo dhe më pas, vrau me armë automatike 69 të tjerë, pjesa më e madhe e të cilëve adoleshentë, në një kamp veror të të rinjve të partisë së punës, në ishullin e Utojës. Ai tha se i kishte vrarë viktimat e tij sepse ata mbështesnin multikulturalizmin.