Një vrasje në familje është shënuar mbrëmjen e të shtunës në Tolentino të Italisë. Një shtetase shqiptare, Gentiana Kopili, 45 vjeçe, u qëllua për vdekje me thikë nga ish-bashkëshorti i saj, Nikollaq Hudhra, 55 banues në zonën e Perugias. Sipas hetimeve, Nikollaq Hudhra pasi kishte kaluar ditën me djalin e tij 21-vjeç, ishte nisur më një skuter, për tu mos vënë re nga ish bashkëshortja e tij, dhe ishte drejtuar drejt qendrës së fshatit, ku ndodhi dhe vrasja. 45-vjeçarja, punonte si kujdestare, ishte duke folur në telefon në momëntin kur u sulmua. Sipas mediave italiane, Hudhra e qëlloi me thikë rreth 10 herë me një teh rreth 30 centimetra të gjatë, të cilën e kishte fshehur më parë nën rrobat e punës. E gjithë skena u filmua nga disa dëshmitarë përmes banesave përreth, ndërsa 55 vjeçari pas aktit të rëndë, u ul në një stol pranë trupit të viktimës dhe qëndroi i palëvizur. Pasi kreu vrasjen, mësohet se u tha dëshmitarëve, se ajo ishte gjëja që duhet të bënte, dhe se tashmë mund të telefononin policinë. Gjatë marrjes në pyetje, ai rrëfeu krimin dhe tha se kishte planifikuar ta vriste ish-bashkëshorten për të “liruar fëmijët e tij”. Madje ai tha se ish bashkëshortja: “Donte të helmonte fëmijët dhe atë.” Hudhra pranoi se ishte përpjekur ta vriste më pare. Në makinën e tij u gjetën edhe thika të tjera. Prokuroria ka ngritur akuzën për vrasje të paramenduar. Hetuesit po vlerësojnë nëse do të kërkohet edhe një ekspertizë psikiatrike për autorin e rrëfyer të krimit.